بِسْمِ اللَّهِ الرَّحْمَـٰنِ الرَّحِيمِ وَالسَّمَاءِ وَالطَّارِقِ

ആകാശം സാക്ഷി. രാവില്‍ പ്രത്യക്ഷപ്പെടുന്നതും സാക്ഷി.

وَمَا أَدْرَاكَ مَا الطَّارِقُ

രാവില്‍ പ്രത്യക്ഷപ്പെടുന്നതെന്തെന്ന് നിനക്കെന്തറിയാം?

النَّجْمُ الثَّاقِبُ

തുളച്ചുകയറും നക്ഷത്രമാണത്.

إِن كُلُّ نَفْسٍ لَّمَّا عَلَيْهَا حَافِظٌ

ഒരുമേല്‍നോട്ടക്കാരനില്ലാതെ ഈ ലോകത്ത് ഒരു മനുഷ്യനുമില്ല.

فَلْيَنظُرِ الْإِنسَانُ مِمَّ خُلِقَ

മനുഷ്യന്‍ ചിന്തിച്ചു നോക്കട്ടെ; ഏതില്‍നിന്നാണവന്‍ സൃഷ്ടിക്കപ്പെട്ടതെന്ന്.

خُلِقَ مِن مَّاءٍ دَافِقٍ

അവന്‍ സൃഷ്ടിക്കപ്പെട്ടത് സ്രവിക്കപ്പെടുന്ന വെള്ളത്തില്‍നിന്നാണ്.

يَخْرُجُ مِن بَيْنِ الصُّلْبِ وَالتَّرَائِبِ

മുതുകെല്ലിന്റെയും മാറെല്ലിന്റെയും ഇടയിലാണതിന്റെ ഉറവിടം.

إِنَّهُ عَلَىٰ رَجْعِهِ لَقَادِرٌ

അവനെ തിരികെ കൊണ്ടുവരാന്‍ കഴിവുറ്റവനാണ് അല്ലാഹു.

يَوْمَ تُبْلَى السَّرَائِرُ

രഹസ്യങ്ങള്‍ വിലയിരുത്തപ്പെടും ദിനമാണതുണ്ടാവുക.

فَمَا لَهُ مِن قُوَّةٍ وَلَا نَاصِرٍ

അന്നവന് എന്തെങ്കിലും കഴിവോ സഹായിയോ ഉണ്ടാവില്ല.

وَالسَّمَاءِ ذَاتِ الرَّجْعِ

മഴപൊഴിക്കും മാനം സാക്ഷി.

وَالْأَرْضِ ذَاتِ الصَّدْعِ

സസ്യങ്ങള്‍ കിളുര്‍പ്പിക്കും ഭൂമി സാക്ഷി!

إِنَّهُ لَقَوْلٌ فَصْلٌ

നിശ്ചയമായും ഇതൊരു നിര്‍ണായക വചനമാണ്.

وَمَا هُوَ بِالْهَزْلِ

ഇത് തമാശയല്ല.

إِنَّهُمْ يَكِيدُونَ كَيْدًا

അവര്‍ കുതന്ത്രം പ്രയോഗിച്ചുകൊണ്ടിരിക്കും.

وَأَكِيدُ كَيْدًا

നാമും തന്ത്രം പ്രയോഗിക്കും.

فَمَهِّلِ الْكَافِرِينَ أَمْهِلْهُمْ رُوَيْدًا

അതിനാല്‍ സത്യനിഷേധികള്‍ക്ക് നീ അവധി നല്‍കുക. ഇത്തിരി നേരം അവര്‍ക്ക് സമയമനുവദിക്കുക.